In Nepalese Language

हालको विश्वव्यापी विपदाले, अहिलेको अती-शहरीकरणको गती विरुद्ध, 

चिच्याउँदै प्रसार गरिरहेको सचेतना-संदेश सुन्दै हुनुहुन्छ? 

—

प्रकृती प्रदत्त दिगो उन्नतीको बाटोमा उक्लिँदै जानको निम्ती 

विवेकशील बनेर नैतिकतालाई आधार बनाउन जरुरि बन्दछ। 

—

यसभन्दा अलग आधारमा परिकल्पना गरिएका 

द्रूत, क्षणिक, स्वार्थी  र प्रकृती सित जोरी खोज्ने प्रकारका 

उन्नतीका योजनाहरुले, ढिलो-चांडो स्वभावत: 

विकास होइन हतास विनास, सम्पत्ती होइन आपत्ती विपत्ती, 

शान्ती होइन भ्रम भ्रान्ती, विश्राम होइन आकूल व्याकुलता, 

शितल स्वास्थ्य होइन तनावको जलन ल्याउँदछन्। 

—

विकल्प हाम्रै सामुन्ने छन्, रोज्ने हामी आफैंले हो –

प्रकृती संगको गती वा उग्र महत्वाकांक्षाको मती?

सहयात्रीलाई उछिन्ने बिमती वा सहमतमा हुने उन्नती?

खतीको निती बोकी आफैंलाई क्षती वा मिलापको सुमती?

फूलहरु तोकेको याममा फक्रंछन्, दिइएको लयमा झुम्दछन्।