In Nepalese Language

सिपालु पत्रकारको चोटिलो प्रश्नकला

आफैंले चाहेको उत्तर झार्ने चर्तिकला

घुमाउरो बातले चिटिक्क बुनेको माला

बाङ्गो पाराले सुटुक्क अल्झाउने चाला। 

—

ज्ञाता भन्दा बढी प्रस्तोताको बोलबाला

श्रोतलाई चिप्ल्याउन चाप्लुसीको खोला 

श्रोतावृन्दलाई छक्याउन चलाकी खेला

पूर्वनियोजित व्यापार प्रवर्धनको मेला।

—

सत्य कतै खुलिहालेमा तब देखाजाला

संस्था चट्टै पानीमाथिको ओबानो होला

प्रस्तोताको जागिरमा कस्तो असर पर्ला 

ज्ञाता अतिथिको प्रतिष्ठा के कता जाला ! 

 —

थोरैमा मात्र भेटिन्छ इमान्दारीको प्याला 

सत्य सन्देशले समाजमा सेवा दिनेवाला 

थोरै त्यस्ता पत्रकारलाई नमन सबै बेला

समाज सुधारको कारक त्यो सानो भेला।