In Nepalese Language

मानिस सृष्टिकर्ताको कारिगरी 

कर्ताको सृष्टिमा अनेकन थरी

मानिस सबैको बनाइयो प्रहरी 

अनि उ रह्यो कर्ताको सहचरी। 

—

भावनाको आकर्षणमा नर-नारी

मानिस सुन्दरतम उत्कृष्ट ठहरी

कर्ताको ज्योतिको विवेकले भरी

कार्यभार दिइयो ‘बन्नु आज्ञाकारी’।

—

अगमलाई देख्ने आँखा हो विवेक

दीप हो विवेक दृश्य पार्ने प्रत्येक 

विवेक बोधो भए अन्योल अभेक 

उज्यालो निभेमा अँध्यारो अनेक।

—

छर्लङ्ग सत्य सर्वत्र सृष्टिद्वारा प्रदत्त  

कर्ताको कार्यमा छ प्रमाण व्याप्त 

विवेकहीनलाई सबै सत्य छ लुप्त 

आँखा चिम्म राखेर देखिंदैन सत्य।