In Nepalese Language

आशातीत उदेश्य:

यसो मेसो खोजेको नि नाडी छामी हेरेर, मित्रको भित्रको चरित्रको सूत्र बुझ्न चाहेर। 

फेबु यारको विचारको धारको मुहारको निहारले कुन बहार चाहार्न खोज्छ भनेर। 

सुनेर, हेरेर, देखेर, सिकेर, भोगेर, कोरेर, मेटेर, फेरि लेखेर राखेको नजाला खेर। 

मित्रको रुचि:

छुस्स अलिअलि बुझियो, जति बुझियो उति झस्कियो, भित्रभित्रै चिरिक्क चस्कियो – 

फोटामा धेरै झुम्मिने, भरमार लाइक ठोक्ने, आक्कल झुक्कलमा केहि लेखिहाल्ने,

हाँसो र ठट्टामा दाँते मुखुण्डोको झटारो, गालीगलोच भए सहमति जनाउने चटारो। 

अरुचिको सूची

मीतहरुले विचार विश्लेषण त ढुसी परेको अचार सरह पर सार्ने, पिचास मानी मन्छाउने,

तिनलाई सोचले चसक्कै घोच्ने, सन्देशले च्वास्सै पोल्ने, साहित्यले भुसुक्कै उँघाउनेरहेछ। 

अब के बुझ्ने के नबुझ्ने; चलन यस्तै रहेछ, मनोरञ्जनमा सबै व्यस्त, विचारको विधा नै ध्वस्त।

निष्कर्ष: फोटो वाह! विचार जा! गिल्ला र ठट्टा क्या च्वाँक! सुधारको सन्देश छ्या झूर!