निधारमा नाम्लो, आँत सधैं टुटेको 

घाँटीमा दाम्लो, चाल अर्कैले लुटेको 

चलहलमा अंकुसे, पीडाले पिटेको 

रक्षक बनेकाले भक्षक बनी चुटेको।

—  

उन्नतिको आशामा, ऋणको छ भार 

मुक्तिको भाषा, भोगाइ दास-व्यवहार 

मित्रलाई अधिकार, चोटिको भ्रष्टाचार 

अधिकारको हुँकार, दब्यो जन-चीत्कार। 

—

मत मंग्दा मित्र, मत सोरेपछि अन्यत्र

वाचा सबै झूट-पत्र, बदनाम लोकतन्त्र 

ख्याउटे अब पुष्ट, लुटेर राष्ट्रिय संयन्त्र 

कुन तन्त्र, के मन्त्र, जनजीवन अलपत्र।

—

अधिकारी आडम्बरी, कुर्सीमा लिसोसरी  

एकल लक्ष स्वार्थसिद्धि, जनादेश रद्दीसरी 

प्रजातन्त्र, गणतन्त्र, लोकतन्त्र, थरीथरी 

जनादेश दिने जनता छलमा पर्यौं बेसरी।