सोच मित्र सोच मनभित्र 

सोच पवित्र अनि सचित्र 

सोच पद्य वा गद्यमा सूत्र

वा उत्पन्न होस् सुरचित्र।

—

सोचको मुहान मस्तिष्क

प्रयोग बिना बन्छ शुष्क

लक्ष बिना सोच अस्पष्ट 

बरालिएर बन्छ यो भ्रष्ट।

—

सोच प्रेरक तत्व हो सृष्टि 

प्रकृतिमा छ ज्ञानको वृष्टि

चाहिन्छ केवल इच्छा दृष्टि  

प्राप्य बन्छ अथाह सन्तुष्टि।

—

सोचको फल फैलाउ मित्र  

गुम्सिन नदेऊ यो मनभित्र

बनेपछि सोचको शब्दचित्र

फैलिन्छ त्यो अरु मनभित्र। 

—

सोच विचार सुन अग्रजको 

र सुन्न पर्छ सोच अनुजको

लिने तर जाँचेर स्व-मनको

नबनोस् यो पीडाको रन्को।