जूवा तास लत यो खास 

बन्दछ जो यसको दास

सम्पत्ति पारेर सबै नाश

गर्दछ घरको उठीबास।  

—

तास पत्ताको पालेर प्यास 

परिवार प्रेम हुन्छ खलास

जेबभरि जब रुपियाँ रास 

जुवाडेजन सधैं आसपास।

—

दारुबिना तास छ निराश  

नशा दिन्छ मस्ती आभास

हारे पनि फेरि जित्ने आश 

पासो बनी लान्छ घरबास। 

—

लत बढेर बन्छ विकराल

सम्बन्ध तोडिदिने भूचाल

मनोरञ्जनको बहाना ताल

मासिन्छ सम्पत्ति विशाल।     

—

तासको खाल यो भ्रमजाल

भुलाएर भासमा पार्ने छाल 

समयमै बुझौं यसको चाल 

नपारौँ घर-परिवार बेहाल।